| |
 |
| |
|
As prestacións que mutua gallega atenderá, producido o accidente ou a enfermidade, veñen reguladas no Texto Refundido da Lei de Seguridade Social (B.O.E. de 29/06/94) e na normativa que o desenvolva. |
|
|
| |
Cando se xera un parte de baixa dá lugar ao inicio dun proceso de Incapacidade Temporal, o cal durará ata que o accidentado sexa dado de alta.
O traballador recibirá, ao día seguinte da baixa laboral e ata que sexa dado de alta, un subsidio equivalente ao 75% da súa base reguladora (dependendo do réxime ao que pertenza o traballador). O subsidio o día da baixa será a cargo da empresa.
A duración máxima do subsidio será de 12 meses, prorrogables a outros 6 cando se presuma que nese tempo o traballador poida ser dado de alta.
Unha vez concluído o período máximo de Incapacidade Temporal (18 meses), examinarase, no prazo de tres meses, o estado do accidentado para a súa calificación como incapacidade permanente. A empresa ten a obriga de cotizar os 18 meses.
No caso dos traballadores do Réxime Xeral, a empresa debe pagar o subsidio con cargo á mutua. No caso de traballadores do Réxime Agrario é a mutua a que lle pagará ao traballador. |
| |
| |
|
| |
Esta é a situación na que o traballador, logo de estar sometido a tratamento médico e dado de alta medicamente, presenta algunha redución funcional que diminúe ou anula a súa capacidade laboral. Dá lugar a distintos graos:
- 1. Incapacidade Permanente Parcial (IPP)
- 2. Incapacidade Permanente Total (IPT)
- 3. Incapacidade Permanente Absoluta (IPA)
- 4. Gran Invalidez
|
| |
1. Incapacidade Permanente Parcial (IPP)
|
| |
É aquela que, sen acadar o grao de total, lle ocasiona ao traballador unha diminución do 33% no seu rendemento normal para a súa profesión habitual, sen impedirlle a realización das súas tarefas fundamentais. |
| |
A indemnización é un único pagamento de 24 mensualidades da súa base reguladora.
|
| |
|
| |
2. Incapacidade Permanente Total (IPT)
|
| |
É aquela que inhabilita ao traballador para a realización de todas ou, alomenos, das tarefas fundamentais da súa profesión habitual, sempre que lle permitan dedicarse a outra distinta. |
| |
Correspóndelle unha pensión vitalicia ao 55 % da súa base reguladora anual ou o 75 % da dita base se o traballador supera os 55 anos de idade e non traballa.
|
| |
|
| |
3. Incapacidade Permanente Absoluta (IPA)
|
| |
É aquela que inhabilita ao traballador para a realización de calquera profesión ou oficio.
|
| |
Correspóndelle unha pensión vitalicia ao 100 % da súa base reguladora anual.
|
| |
|
| |
|
| |
Entenderase por Grande Invalidez a situación do traballador afecto de incapacidade permanente e que, por consecuencia de perdas anatómicas ou funcionais, necesite a asistencia doutra persoa para os actos máis esenciais da vida, tales como vestirse, desprazarse, comer ou análogos.
|
| |
Se o traballador fose cualificado de grande inválido, terá dereito a unha pensión vitalicia segundo o establecido nos apartados anteriores, incrementándose a súa contía cun complemento, destinado a que o inválido poida remunerar a persoa que o atenda. O importe do devandito complemento será equivalente ao resultado de sumar o 45 % da base mínima de cotización vixente no momento do feito causante e o 30 % da última base de cotización do traballador correspondente á continxencia da que derive a situación de incapacidade permanente. En ningún caso o complemento sinalado poderá ter un importe inferior ao 45% da pensión percibida, sen o complemento, polo traballador.
|
| |
|
| |
- Lesións permanentes non invalidantes
|
| |
Son aquelas lesións, mutilacións e deformidades de carácter definitivo, causadas por accidentes de traballo e enfermidades profesionais, que non repercuten sobre a capacidade laboral do traballador, pero supoñen unha diminución ou alteración da súa integridade física.
|
| |
Indemnízanse unha soa vez coas cantidades económicas determinadas no Baremo de Lesións Permanentes non Invalidantes.
|
| |
|
| |
|
| |
Cando se produza o falecemento dun traballador por accidente de traballo ou, se é o caso de desaparecidos, unha vez que transcorran 90 días desde a súa desaparición sen ter noticias del, pode orixinarse o dereito a algunha das seguintes prestacións:
- 1 .Prestacións por viuvez
- 2 .Prestacións de orfandade
- 3. Prestacións a favor de familiares
- 4. Auxilio por defunción
|
| |
|
| |
1. Prestacións por viuvez
|
| |
Cando, ocorrido o falecemento, sobreviva o cónxuxe, este terá dereito a percibir unha pensión vitalicia de viuvez equivalente ao 46% da base reguladora do falecido. Se a pensión constituíse a principal e única fonte de ingresos, e o pensionista teña cargas familiares (fillos menores de 26 anos ou maiores incapacitados), a porcentaxe será do 70%. |
| |
Ademais corresponderalle unha prestación por unha soa vez de 6 mensualidades da devandita base reguladora.
|
| |
O único requisito para ter dereito a estas prestacións será a existencia de vínculo matrimonial. Nos casos de divorcio, se o cónxuxe sobrevivente non volveu a contraer matrimonio, corresponderanlle estas prestacións en proporción ao tempo de convivencia matrimonial.
|
| |
|
| |
2. Prestacións por orfandade
|
| |
Os fillos dos traballadores, menores de 18 anos, na data do falecemento causante, ou maiores incapacitados (incapacidade absoluta ou gran invalidez), teñen dereito a percibir unha pensión do 20% da base reguladora do falecido ata cumprir a devandita idade, ou ata os 22 ou 24 anos.
|
| |
As sumas das pensións de viuvez e orfandade non poden superar o 100% da base reguladora do causante.
|
| |
O fillo do causante poderá ser beneficiario da pensión de orfandade, sempre que ao falecer o causante sexa menor de 22 anos, ou de 24 se é orfo de pai e nai, e non perciba rendas de traballo por un importe superior ao 75% do Salario Mínimo Interprofesional no cómputo anual.
|
| |
Corresponderalles unha prestación, por unha soa vez, de 1 mensualidade da citada base, aos fillos aos que se lles recoñeza a pensión de orfandade.
|
| |
|
| |
3. Prestacións a favor de familiares
|
| |
Baixo determinadas circunstancias, relativas a convivencia, dependencia económica e falta de medios de subsistencia e de familiares coa obriga e posibilidade de prestar alimentos, os pais, avós, netos, irmáns, fillos (que non cumpran os requisitos anteriores) dos falecidos poden ter dereito a prestacións aconómicas que se aboarán en forma de pensión vitalicia, indemnización a tanto alzado ou subsidio temporal.
|
| |
|
| |
|
| |
Os familiares que pagaron os gastos do enterro, terán dereito a unha indemnización segundo a Lei Xeral da Seguridade Social.
|
| |
|
 |
|
| mutua gallega 2010. Todos os dereitos reservados. |
