Decembro 2009.-No último Consello de Ministros foi aprobada a remisión ás Cortes Xerais do Proxecto de Lei que regula a protección por cesamento involuntario de actividade dos traballadores autónomos.

Mediante esta norma regúlase un sistema específico de protección baseado en tres principios básicos: contributivo, solidario e sostible financeiramente.

A contía da prestación será do 70% da base pola que viña cotizando o traballador durante os doce meses anteriores ao cesamento.

En canto á duración da protección, estará en función dos períodos de cotización efectuados, cun mínimo de dous meses de prestación por doce meses de cotización, e un máximo de seis meses de prestación por 36 meses de cotización.

Ademais, nos casos de traballadores autónomos de entre 60 a 64 anos, increméntaselles a duración da prestación, que terá un mínimo de tres meses e un máximo de nove.